एप्पलको मार्च लन्चको लागि कम लागतको आईफोन, आईप्याडको तयारी

एक रिपोर्टको अनुसार एप्पलले मार्च ८ मा नयाँ उत्पादनहरू लन्च गर्न सक्छ। रिपोर्टमा भनिएको छ कि एप्पलले अबको इभेन्टमा नयाँ र कम लागतको ५जी आईफोन र आईप्याडसहित  सम्भावित रूपमा नयाँ म्याक घोषणा गर्ने तयारी गरिरहेको छ।

नयाँ म्याकबुक प्रो ल्यापटपहरू लन्च अक्टोबर २०२१ भएपछि यो एप्पलको यस वर्षको पहिलो लन्च हुनेछ । यस इभेन्ट भर्चुअल लाइभस्ट्रिम प्रक्षेपण हुने अपेक्षा गरिएको छ। एप्पलले मार्च २०२० मा कोभिड-१९ महामारी सुरु भएदेखि नै भर्चुअल कार्यक्रमहरू आयोजना गरेको छ।

एप्पलले २०२० को वसन्तमा आइफोन एसई प्रस्ताव गरेको थियो  जुन  $३९९ मा बिक्री हुन्छ। यो एप्पलको टच आईडी फिंगरप्रिन्ट सेन्सरको साथ सबैभन्दा नयाँ आईफोन मोडेल हो। रिपोर्ट अनुसार अपडेट गरिएको मोडेलमा एउटै डिजाइन हुन सक्ने साथै छिटो प्रोसेसर र ५जी कनेक्सन हुने बताइएको छ।

नयाँ आईप्याड एयरको अपडेटेड संस्करण हुने अपेक्षा गरिएको छ ।  आईप्याड एयर अन्तिम पटक अक्टोबर २०२० मा अपडेट गरिएको थियो जुन $५९९ मा बिक्री भईरहेको छ।

एप्पल आईप्याड व्यवसाय डिसेम्बर क्वाटरमा बिक्री घटेको रिपोर्ट गर्ने एक मात्र प्रमुख उत्पादन लाइन थियो। एप्पलले विद्यालय र भोल्युम खरिदकर्ताहरूमा लक्षित $३२९ को आईप्याड बिक्री सुस्त हुनु व्यवसायको गिरावटको मुख्य कारण भएको बताएको छ।