चिपको अभावले फोर्डको महत्त्वपूर्ण गाडीहरूको उत्पादनमा कटौती

सेमीकन्डक्टर चिप्सको विश्वव्यापी अभावका कारण फोर्ड मोटरले अर्को हप्ता धेरै प्रमुख गाडीहरुको उत्पादन कटौती गर्दैछ।

कटौतीले गत वर्ष अटो उद्योगलाई ध्वस्त पार्ने चिपको अभाव अझै कायमै रहेको संकेत गर्छ। आपूर्ति श्रृंखला मुद्दाहरूको कारणले गर्दा अपेक्षित भन्दा कम उत्पादनले शुक्रबार फोर्डको शेयरमूल्य ९.७% घटेको छ।

फोर्डले ब्रोन्को, मच-ई र एफ-१५० जस्ता आफ्ना केही सबैभन्दा लाभदायक र मागमा रहेका मोडेलहरू कटौती गरिरहेको छ । तर, चिप्सको आपूर्तिमा क्रमिक सुधारको अपेक्षा गर्ने अटोमेकरहरूले समस्यासँग लड्न भने जारी राखेका छन्। 

फोर्डले २०२१ मा अमेरिकामा १.९ मिलियन गाडीहरू बेचेको थियो । यो वर्ष सेमिकन्डक्टर चिप्सको विश्वव्यापी अभावको कारणले सो अङ्क ६.८% ले घट्यो। पार्टपुर्जाको समस्याले फोर्ड र अन्य अटोमेकरहरूलाई बिस्तारै प्लान्टहरू बन्द गर्न र सवारी साधनहरूको सूची घटाउन बाध्य बनायो। २०२१ मा लगभग १४०% ले बढेपनि फोर्डको शेयर यस वर्ष १३.५% ले घटेको छ।